Kismaayo (Isbahaysi) – Madaxweynaha Dowlad Goboleedka Jubbaland Mudane Axmed Maxamed Islaam ayaa maanta tababar u soo xiray ciidamo ka tirsan Ciidamada Darawiishta Jubbaland, kuwaas oo dhowaanahan tababar u socday.
Ciidankan cusub ee maanta tababarka loo soo xiray ayaa la sheegay inay isu diyaarinayaan howlgallo ay dhowaan Ciidamada Jubbaland bilaabayaan, kuwaas oo lagu qaadayo deegaannada ay ka taliso argagixisada Alshabaab.
Madaxweynaha Jubbaland oo munaasabadda tababarka lagu soo xiray kalmad ka jeediyey ayaa bogaadiyey ciidanka, isaga oo tilmaamay inay isu diyaarinayaan hadafka loo tababaray ee ah dagaalka ka dhanka ah Alshabaab.
